Гашуунсухайтын боомтод шийдэх шаардлагатай олон асуудал байна

Мэргэжлийн хяналтын ерөнхий газрын дарга Н.Цагаанхүү Өмнөговь аймагт ажиллаж байна. Тэрбээр Монгол  Улсын Ерөнхий сайд Ж.Эрдэнэбатыг дагалдан яваа ажлын бүрэлдэхүүнд багтсан.

Монгол Улсын эдийн засгийг тэтгэж, хямралыг даван туулахад уул уурхайн томоохон бүтээн байгуулалтын төслүүдийг эхлүүлэх нь чухал. Тиймээс Ерөнхий сайд Ж.Эрдэнэбат тэргүүтэй албаны хүмүүс Өмнөговь аймагт ажиллаж, Оюутолгойн баяжуулах үйлдвэрийн ажил,  далд уурхайн бүтээн байгуулалт, Цагаан суваргын орд, Гашуунсухайтын боомт,  “Тавантолгой”  ХХК, “Энержи ресурс” компанийн ажилтай газар дээр нь  танилцаж байгаа билээ.

46c8f7_gashuun5_x974

Энэ сарын 6-ны өдөр Ерөнхий сайд Ж.Эрдэнэбат Гашуунсухайт боомтын үйл ажиллагаатай танилцаж, хил дээр ажиллаж буй мэргэжлийн хяналтын байцаагчид болон бусад төрийн албан хаагчидтай уулзаж, тулгамдсан асуудлыг сонслоо. Тус  боомтод хорио цээрийн хяналт, хил хамгаалах, гааль, гадаадын иргэн харъяатын чиглэлийн байцаагчид  өдөрт 12 цагаар төрийн үйлчилгээ үзүүлдэг. Гэвч тэдэнд эмнэлгийн тусламж үзүүлэх эмч, аюулгүй байдлыг хамгаалах цагдаа байхгүй. Үүнээс гадна ундны усаа  22 км-ийн цаанаас зөөж, цахилгаанаа хилийн цаанаас авч,  халаалтгүй байшинд амьдардаг гээд орчин нөхцөл үнэхээр хүнд.  Тэгсэн атлаа  ачаалал нь 100 тоннын даац бүхий 1000 орчим машиныг хилээр нэвтрүүлдэг бөгөөд үүнд нь өдрийн 12 цаг заримдаа хүрэлцдэггүй байна. Нэг машин ойролцоогоор гурван өдөр дугаарлаж байж хил гарах ба нүүрс, баяжмал ачсан  машины цуваа заримдаа 30 км-тэй тэнцэхүйц урт дараалал үүсгэдэг аж.

8fb5c5_gashuun1_x974

Ерөнхий сайд Ж.Эрдэнэбат, Гашуунсухайтын боомтод усны хайгуул хийж, нөөц тогтоох,  нэн тэргүүнд хэрэглээний цэвэр усны асуудлыг шийдвэрлэхээ онцолсон. Мөн хилийн боомтын ажилчдын ажиллаж амьдрах нөхцөлийг яаралтай сайжруулах шаардлагатайг тэмдэглээд холбогдох албан тушаалтнуудад үүрэг өглөө.

www.ИНДЭР,mn